विराटनगर : सीमा नाकामा आवतजावत गर्नेलाई अनिवार्य खोपकार्ड
तारा आचार्य,
विराटनगर । कोरोना संक्रमण रोकथाम तथा न्यूनीकरणका लागि भारतसँग सिमाना जोडिएका नाकाहरुमा खोप कार्ड अनिवार्य गरिएको छ ।
विराटनगरस्थित जोगवनी नाकामा आवत–जावत गर्नेहरुलाई खोपकार्ड अनिवार्य गरेपछि नाकामा हुने भीडभाड कम भएको छ । गत पुस १४ गतेदेखि नाकामा एन्टिजेन परीक्षण गर्दा पोजेटिभ हुनेको संख्यामा बृद्धि भएको सीमा नाका हेल्थ डेस्कमा खटिएका स्वास्थ्यकर्मीहरुले बताएका छन् ।
भारतको लामो बसाईपछि नेपाल आउनेहरुलाई एन्टिजेन परीक्षण गर्ने गरेको र आज मात्र १ सय १३ जनाको एन्टिजेन परीक्षण गर्दा ११ जना भारतीयमा कोरोना देखिएको छ । कोरोना देखिएपछि उनीहरुलाई भारततर्फ पठाइएको हेल्थ डेस्का सहायम प्रमुख सुरेन्द्र यादवले जानकारी दिए ।
भारतको जोगबनी बजार जानेहरुका लागि पनि खोप लगाएको कार्ड अनिवार्य हुनुपर्ने वा पीसीआर गरेको २४ घण्टाको रिपोर्ट अनिवार्य गरेको जिल्ला प्रशासन कार्यालय मोरङका सहायक प्रमुख जिल्ला अधिकारी महेशराज तिम्सिनाले जानकारी दिए ।
उनले मास्क अनिवार्य लगाउनुपर्ने र भीडभाड कम गर्न सर्बसाधारणमा आग्रह समेत गरेका छन् । सहायक प्रमुख जिल्ला अधिकारी तिम्सिनाले जिल्ला प्रशासन कार्यालय मोरङले भीडभाड कम गर्नको लागि दैनिक सेवा प्रवाहलाई आलोपालो प्रणलीबाट प्रदान गर्ने निर्णय गरेको जानकारी दिए ।
अर्को: भारतमा दैनिक सङ्क्रमितको सङ्ख्यामा फेरि बृद्धि
सम्बन्धित पढाइ
- नेपाललाई पाँचौं सफलता
- नदीजन्य पदार्थको उत्खनन गर्ने स्थानमा सूचनापाटी राख्न परिपत्र
- उत्तर कोरियाद्वारा दुईवटा क्षेप्यास्त्र प्रहार
- अमेरिकाको ‘बलजफ्ती कूटनीति’को विरोध गर्छौं : चीन
- प्रहरी भर्ना रोक्न माग गर्दै मधेश सरकारद्वारा सर्वोच्चमा रिट दायर
- राप्रपाको पाँचौं प्रवक्तामा मनोनीत भए ज्ञानेन्द्र शाही
- थप ४३७ जनामा कोरोना संक्रमण, २ जनाको मृत्यु
- विश्वकप छनोट : बलिङ चम्किंदा नेपालको विजयी सुरुवात
- गौतमबुद्ध अन्तर्राष्ट्रिय विमानस्थलमा ‘क्यालिब्रेशन फ्लाइट’ सुरु
- ‘बुद्धले जहाज संख्या २१ पुर्याउँदैछ, सुरक्षामा सम्झौता हुँदैन’